ჩვენს სკოლაში ჩატარდა საინტერესო და ინფორმაციული მედიაწიგნიერების ტრენინგი, რომლის მთავარი თემა იყო ციფრულ სამყაროში ინფორმაციის სწორად აღქმა, გაანალიზება და გადამოწმება.
ტრენინგს უძღვებოდა დიმიტრი ქვარიანი — იურისტი, ადვოკატი, მედიატორი და საქართველოს გაეროს ასოციაციის მედიაწიგნიერებისა და კრიტიკული აზროვნების განვითარების მობილური ჯგუფის ტრენერთა (TOT) ტრენერი.
შეხვედრის ფარგლებში მონაწილეებმა ისაუბრეს ციფრულ სივრცეში უსაფრთხოებისა და პასუხისმგებლობის მნიშვნელობაზე, ინფორმაციის სანდოობის შეფასებაზე, ყალბი ინფორმაციის ამოცნობასა და კრიტიკული აზროვნების განვითარებაზე.
ტრენინგი ინტერაქტიულ და საინტერესო ფორმატში წარიმართა, რაც მონაწილეებს შესაძლებლობას აძლევდა, აქტიურად ჩართულიყვნენ და მიღებული ცოდნა პრაქტიკულ მაგალითებზე გამოეცადათ.
მედიაწიგნიერება — უნარია, რომელიც თანამედროვე ციფრულ სამყაროში თითოეული ჩვენგანისთვის სულ უფრო მნიშვნელოვანია!
ტრენინგი ორგანიზებული იყო თვითმმართველობის ინიციატივითა და ორგანიზებით.
პროექტი ხორციელდება „ქუთაისის სკოლების თვითმმართველობათა ქსელის“ ფარგლებში, რომლის მიზანია მოსწავლეთა ჩართულობის, ინიციატივებისა და არაფორმალური განათლების ხელშეწყობა