” შპს N1 სკოლის IX კლასთან ერთად ქუთაისის აკაკი წერეთლის სახელობის უნივერსიტეტში ვესტუმრეთ გეოგრაფიის კათედრას, სადაც შესაძლებლობა მოგვეცა ახლოდან გავცნობოდით უძველეს რუკებსა და მინი მეტეოსადგურის მუშაობას. შემდეგ გადავინაცვლეთ გეოლოგიის მუზეუმში, სადაც საკუთარი თვალით ვიხილეთ და ხელით შევეხეთ საქართველოს უნიკალურ ბუნებრივ რესურსებს, რომლებიც თეორიულადაც გვქონდა შესწავლილი.
განსაკუთრებული შთაბეჭდილება მოახდინა სალიეთის მარმარილომ, რომელიც თბილისის მეტროს მოპირკეთებისთვის გამოიყენება. ასევე, გეოლოგიის მუზეუმში ვეწვიეთ გამოფენას, სადაც წარმოდგენილი იყო საქართველოსა და სხვა რეგიონების ენდემური ფრინველები და გადაშენების პირას მყოფი ცხოველთა სახეობები.
დღემ ძალიან საინტერესოდ და ნაყოფიერად ჩაიარა. მადლობას ვუხდით გეოგრაფიის კათედრას საინტერესო და შემეცნებითი ვიზიტისთვის! “
მასწავლებელი: მანანა სანაკოევი