---

7(ა) კლასში ჩატარდა პროექტი: “პროცენტები ჩვენს ცხოვრებაში”

პროცენტები ყოველდღიურ ცხოვრებაში ბევრ სფეროში გვხვდება – ვაჭრობაში, ბანკებში, მეცნიერებაში. ჩვენი პროექტის მიზანი იყო, მათი მნიშვნელობის უკეთ გაგება.

კლასში განიხილეს:

• პროცენტის შემოღების მოკლე ისტორია;

• ძირითადი ამოცანები პროცენტის გამოყენებით;

• პროცენტული გამოთვლების ჩატარება;

• პროცენტის გამოყენება სხვადასხვა პროფესიის ადამიანების მიერ.

პროექტის ფარგლებში მოსწავლეებმა გადაიღეს ვიდეოები, სადაც:

• მეგობარს ან ოჯახის წევრს უხსნიდნენ პროცენტის ცნებას;

• აჩვენებდნენ, როგორ გამოიყენება პროცენტების ცოდნა რეალურ სიტუაციებში.

გაკვეთილი საინტერესოდ და აქტიურად წარიმართა. მოსწავლეები ჩართულნი იყვნენ დისკუსიაში, პრაქტიკულ ამოცანებში და ვიდეოების შექმნის პროცესში. პროექტმა მათ საშუალება მისცა, უკეთ გაეაზრებინათ პროცენტების მნიშვნელობა და პრაქტიკაში გამოეყენებინათ მიღებული ცოდნა.

მასწავლებელი : თეკლა გვეტაძე